AZƏRBAYCAN XRİSTİANLARI ETİRAZ AKSİYASINA HAZIRLAŞIRLAR
Yazar: Yolchu @ Sentyabr 5, 2008 3:47
Qərib(ə)çilik haqqında düşünümlər - 1
Yazar: Yolchu @ Sentyabr 4, 2008 17:44Aeroportda keçirdiyim hissləri və bu hisslərin yaranmasına, yaddaşıma həkk olunmasına səbəb olan xanımı indi də xatırlayıram. “Domodedovo”da pasport yoxlama köşkündə cavan, qəşəng ancaq sarılıqda ruslara bənzəməyən bir xanım pasportumu alıb baxdı. Gülümsəməyə çalışdım – hər nə də olsa, təbəssüm soyuq baxışdan çox qapı açar...heyhat... . Rəsmi, paqonlu-filanlı bu xanım mənim gülümsəməyimi heç vecinə də almadı. İlk sorusu niyə gəlməyimlə bağlı oldu. Açıqladım, dissertasiya üçün gəlmişəm. Nəyi, necə araşdıracağımı soruşdu, mən də filan-filan kitabxanada, filan-filan yerdə, filan-filan edəcəyim barədə qısaca açıqlama verdim. Mən danışdıqca qız gözlərim önündə dəyişməyə başladı. Soyuq baxışları, rəsmi danışığı, yumşadı və bayaq təbəssümümü adam yerinə qoymayıb məni pərt edən siması gülümsədi. Az sonra “Rusiyaya xoş gəldiniz” deyib soyuq şimal ölkəsinə qədəm basmağıma yaşıl işıq yandırdı.
Bu, mənim qəribçiliklə ilk tanışlığım idi.Şükran Çörəkkəsməsi - 2
Yazar: Yolchu @ Avqust 31, 2008 17:03İsanın bu bayramı qeyd etməsi hekayətində Məsihin insanlarla İlahi arasıda vasitəçi olduğu vurğulanır. Bu vasitəçilik özəlliyi isə, İsa Məsihin Yeni Əhdi gətirməsində, onu başlatmasında və öz bədəni, qanı, ölümüylə möhürləməsində əks olunub. İsa Məsihin çarmıxa gərilməzdən öncə, öz bədənini və qanını Tövratda bəhs edilən Yeni Əhdə bənzətməsi (1) və bunu Qədim Əhdin təzahürü olan hadisənin bayramtəki qeydi zamanı etməsi (2), bundan az sonra çarmıxa gərilməsi (3), Onun çarmıxda ölümü hadisəsi ilə İlahinin insanlara vəd etdiyi Yeni Əhd arasında əlaqə olduğunu ortaya qoyur. İsa Məsih bu mənada İlahinin qurtuluş naminə insanlar üçün verdiyi və öz Ruhuyla bərəkətləndirdiyi Nəzir-qurbandır. İsa Məsih bu mənada insanları Qurtuluşa götürən Yeni Əhd və onun möhürüdür.
Şükran Çörəkkəsməsi - 1
Yazar: Yolchu @ Avqust 27, 2008 20:31Xatırlayırsınızsa, daha öncəki yazılarımızda Məsihiliyin əsas ayinlərindən, daha doğrusu gizləntilərindən və onlardan biri olan vəftizdən yazmışdıq. Bu dəfəki yazı həmin o ayinlərdən ikincisinə, Şükran Çörəkkəsməsinə həsr edilib.
Şükran Çörəkkəsməsi ayininin adı qədim yunancadakı “euxarist” sözündən gəlir, hərfi mənası şükr etmək, şükranlıq deməkdir. Bəzi azəri məsihilərinin bu ayinə istinadən həm də çörəkkəsmə sözünü işlətdiyini eşitmişəm – yəqin ayinin ən əsas parçası olan çörəyə istinadən belə işlədilir. Mən də belə qərara gəldim ki, bunları birləşdirmək daha dəqiq olar. Katolik kilisələrində “mass” sözü də istifadə edilir.Bölünmələr
Yazar: Yolchu @ Avqust 23, 2008 18:58
Günümüzün maraqlı mövzusu Anqlikanlardır. Əgər bu sözü ilk dəfə eşirdirsinizsə, o zaman izninizlə nə olduğunu açıqlayım. Anqlikanlıq və ya anqlikanizm Protestantlıqla Katoliklik arasında orta mövqedə duran bir Xristian dini cərəyanıdır. Başqa sözlə deyilsə, Məsihin parçalanmış bədənindəki parçalardan birisi anqlikanizmdir. Adından yəqin anladınız, bu cərəyanın birbaşa İngiltərəyə dəxli var. Həmin ölkədə yaranıb və başqa ölkələrə yayılıb.
İndi keçək sözümüzün canına.
Bomba tolerantlıq
Yazar: Yolchu @ Avqust 18, 2008 20:52Ordan – burdan eşitmisiniz yəqin, Bakıdakı Əbu – Bəkr məscidində camaat namaz qılarkən ora bomba atıblar və sonucda ölən və yaralananlar var.
Dini obyektlərə hücum deyəsən Azərbaycanı da artıq bəzi dövlətlərinin gününə salacaq. Əvvəllər Bakıda metroya bomba qoyardılar. İndi artıq məscidə bomba qoyurlar. Təxminən bir il əvvəldi deyəsən, Bakıda hələ xidmətə verilməmiş katolik kilisəsini də yandırmaq istəmişdilər.
Bir dilim çevirim: Bonhoeffer
Yazar: Yolchu @ Avqust 13, 2008 20:36
Qonaq bloqçumuzdan bir yazı - 2
Yazar: Yolchu @ Avqust 8, 2008 20:02Qonaq bloqçu - Məsiağa Məhəmmədi
Nizami dünyası - 2
Nizamiyə görə, öz istək və tələbatları olan ayrı-ayrı fərdlərin məcmusu kimi meydana gələn cəmiyyətdə əsas məsələ fərdi və ictimai mənafelərin düzgün tənzimlənməsidir. Fərd cəmiyyətə münasibətdə müəyyən vəzifələrə malik olduğu kimi, cəmiyyət də fərd qarşısında məsuliyyət daşıyır. Sülh və həmrəylik şəraitinin hökm sürmədiyi cəmiyyətdə nə fərdi, nə də ictimai səadətdən söhbət gedə bilməz.
Qonaq bloqçumuzdan bir yazı - 1
Yazar: Yolchu @ Avqust 4, 2008 18:55Əziz bloq ziyarətçiləri, bloqumuzun ilk qonağı “Səs”, “Gələcək Gün” və “Cahan” bloqlarinin yazarı və sahibi, hörmətli alim Məsiağa müəllim Məhəmmədidir. Məsiağa müəllimə vaxt ayırıb bu yazını hazırladığı və bloqumuzun qonağı olduğu üçün dərin təşəkkürümü bildirirəm. Yazı Məsiağa müəllimin göndərdiyi şəkildə hər hansı redaktədən keçirilmədən olduğu kimi verilir.
Qonaq bloqçu - müəllif: Məsiağa Məhəmmədi
Nizami dünnyası - 1
Kitab oxumağın 10 qaydası....yəni məncə.
Yazar: Yolchu @ İyul 31, 2008 18:35Son vaxtlar hərə bir şeyi necə etməyin yollarından yazır. Bloqdan tutmuş, mobil telefonlara qədər. Palaza bürünüb ellə sürünmək keçirdi ürəyimdən, dedim bir şeyi necə etməyin də yolunu mən yazım. Həm də bir az məsihilik barədə yazılara ara verək, bloqa bir az da fərqli yanaşılsın, mövzu az-çox müxtəlifləşsin. Mən texniki məsələlərdə savadsızam, anlamam, ona görə də o cür şeylərdən yazmaq bir az çətindir. Lakin kitab oxumağa alışmış birisi kimi sizinlə bu barədə təcrübəmi bölüşə bilərəm. Kitabı əlbəttə hərə bir cür oxuyar. Mən də belə oxuyuram.
1. Bir kitabı niyə oxuduğunuzu öncə təyin edin. Kitabı vaxt öldürmək üçün yoxsa ciddi tədqiqat üçün oxumaq o kitab haqda fərqli nəticələrə gəlməyə və o kitabın da sizdə fərqli təəssürat yaratmasına rəvac verir. Bundan əmin olun. Odur ki, ilk öncə bir kitabı niyə oxuduğunuzu, nə səbəbə məhz bu kitabı vərəqlədiyinizi düşünün.2. Kitabı oxumazdan öncə, müəllifin hardan girib, hardan çıxdığını təyin etmək, ümumi yanaşma haqqında bir başlanğıc təsəvvürə malik olmaq üçün kitabın mündəricatını, yəni strukturunu əks etdirən səhifələrini öyrənin. Bu müəllifin ideyanı necə strukturlaşdırması, hansı skelet üzərinə ət-qan hörməsini anlamağa yardım edəcək.
3. İlk bir neçə səhifədən sonra kitabın oxunma dərəcəsini, yəni asan, yoxsa çətin “getdiyini” təyin etməyə çalışın. Aygün Kazımovanın həyatından bəhs edən kitabla, deyək ki Nəsiminin qəzəllərində din və fəlsəfə ideyalarının semiotikasına hərs olunmuş tədqiqat əsəri eyni cür “getməyəcək”. Bunu təyin etdikdən sonra sürətinizi buna görə də uyğunlaşdırın. Hər cümləsi məna dolu olan kitabı bir su içimi kimi oxumaq müəllifə və ehtiraslı oxucunun özünə hörmətsizliyidir.
